«ПСЖ» ҳужумчиси Килиан Мбаппе Лига 1нинг 8-туридан ўрин олган «Монпелье»га қарши учрашувда (2:0) Неймарни ҳақорат қилганини тан олди.
Мбаппе Неймарнинг нотўғри узатмасидан норози эди.
«Ҳа, мен Неймарни аҳмоқ деб атадим. Бу ҳар доим футболда содир бўлиши мумкин бўлган оддий воқеликлардан бири.
Биз ушбу вазиятдан сўнг буни муҳокама қилдик. Аввал биз бундай сўзларни кўп бора ўзаро айтиб юрганмиз. Ҳозир ҳаммаси жойида, муносабатларимиз яхши, ғалаба қозонишга бўлган иштиёқимиз йўқолмаган. Бизнинг орамизда адоват йўқ, чунки мен уни футболчи ва инсон сифатида ҳурмат қиламан», — дейди Мбаппе.
Учрашув пайти Мбаппе «Монпелье»га қарши баҳсда алмаштирилганидан сўнг Неймарни кескин танқид қилган кадр тасвирга тушиб қолган эди.
