Бельгия терма жамоаси бош мураббийи Роберто Мартинес "Реал" дарвозабони Тибо Куртуани ўз позициясида дунёнинг энг яхшиларидан бири деб атади.
"Мен унинг оёғи билан ўйнай олмайди, деган фикрга қўшилмайман. Куртуанинг баланд бўйи борлиги унинг ердан узатмаларда ўйнай олмайди дегани эмас. У ўйинни яхши тушунади ва бўш ҳудудни яхши кўра олади.
ЖЧ-2018да у энг яхши дарвозабон эди ва ҳозирда доимий равишда дунёнинг энг зўр 3 посбони орасида. Унинг ёшини ҳисобга олсак, олдинда ҳали яна кўп мавсум юқори даражада ўйнай олади. Тибо буюк бўлишга интилмоқда", - деди Бельгия терма жамоаси устози.
