Собиқ «Арсенал» футболчиси Месут Ўзил Англияда Жанубий Осиёликлар учун мўлжалланган футбол марказини ишга туширади. У АФА ва Бредфорд Университети билан ҳамкорликда «Футбол тинчлик учун» лойиҳасига қўшилган.

Бу ҳақда Ўзилнинг ўзи шундай дейди: «Мен уларга(осиёликларга) майдон ташқарисида ва майдонда ривожланиш учун имкон бермоқчиман. Менинг ўзим этник бўлинишлар ичидан чиққанман ва буни яхши тушунман. Мен доимо осиёликларга Англияда фақат футбол мухлислари бўлишга рухсат берилганини тушунмайман. Нега улар футбол ичида, мураббий ёки футболчи бўла олмайди? Умид қиламанки, айнан мана шу борада «Футбол тинчлик учун Месут Ўзил маркази» уларга керак бўлган кўмакни ҳадя қилади».

Ўзил ҳозирда Туркиянинг «Фенербаҳче» клуби шарафини ҳимоя қилмоқда.