Ўтган ёзда Тэмми Абраҳам «Челси»дан Римнинг «Рома» клубига ўтди. Бу трансферда римликлар бош мураббийи Жозе Моуриньо муҳим роль ўйнади. Абраҳам португалиялик мутахассиснинг биринчи қўнғироғи ҳақида The Guardian нашрига айтиб берди.

«Моуриньо менга: «Қуёшдан завқланишни хоҳлайсизми ёки ёмғирда қолишни хоҳлайсизми?» - деб айтди», дейди Абраҳам.

Маълумки, Англияда Италиядан фарқли ўлароқ, қуёш камдан-кам ҳолларда чиқади.

«Мен учун энг осон вариант - «Челси»да қолиш ва захирада ўтириш. Лекин, мен кетишим ва ўзимни исботлашим кераклигини тушундим. Албатта, мен асабийлашдим, чунки мамлакатни ўзгартириш жасоратни талаб қилади. Аммо, мен инглиз ёш футболчиларига кетишдан қўрқмасликни маслаҳат берардим», - деди римликлар ҳужумчиси.