«Манчестер Юнайтед» клуби ҳимоячиси Алекс Теллес соч турмагини ўзгартиргани ҳақида гапирди. У бу ҳақда шундай дейди:
«Ҳозир мен учун янги давр бошланди. Мен олдинлари доимо калта сочларда юрардим. Кейин сўнгги икки йил ичида сочларимни ўстирдим. Ҳозир эса буни ўзгартириш вақти етди деб ўйладим. Негаки, мен икки ойлик жароҳатдан кейин илк бор майдонга қайтгандим. Бу икки ой мен учун осон бўлмади. Шу сабаб қайтишимга кўринишимни ҳам ўзгартиришни хоҳладим».
Теллес жароҳати сабаб янги мавсумнинг дастлабки ойини ўтказиб юборишга мажбур бўлди. У «Вильярреал»га қарши баҳсда бутунлай ўзгача қиёфада кўриниш берганди.
