Клуб хорватиялик футболчи билан келишувни узайтирмоқчи.
"Интер" билан шартнома муддати 2022 йилнинг июнь ойида тугайдиган Марсело Брозовичга клуб янги шартнома таклиф қилиш устида ишламоқда. Сўнгги пайтларда ярим ҳимоячига қизиқаётган Англиянинг "Манчестер Юнайтед" жамоаси ҳали футболчига таклиф бермаган, дея хабар берди Фабрицио Романо
«Нерадзуррилар» бош директори Маротта бу ҳақида: «Брозович билан келишувга эришишга ишонамиз. Биз кейинги ҳафтага учрашув белгилаганмиз", - деди "Gazette" нашрига.
Эслатиб ўтамиз, Хорват бу мавсумда Италия клуби таркибида 7 ўйинда майдонга тушди.
