Лионель Месси «ПСЖ»га ўтиши ҳақида гапирди. У Париж жамоасининг таклифи ҳақида узоқ ўйламади. Уни яқин дўстлари иштирок этадиган лойиҳа ўзига жалб қилди.

«Барселона» мен энди жамоада ўйнамаслигимни айтди. Мен келажагим ҳақида ўйлашим, янги клуб топиш керак эди. Менга турли жамоалардан, хусусан, «ПСЖ»дан таклифлар тушди. Мен клубдан миннатдорман, чунки мени бу ерда яхши кутиб олишди.

Мен бошиданоқ «ПСЖ»га кераклигимни тушундим. Улар менга ғамхўрлик қилишди. Энди мен ниҳоятда бахтлиман. Ҳа, бошқа вариантлар ҳам бор эди, лекин охир -оқибат мен «ПСЖ»ни танладим. Албатта, бу лойиҳа мен учун қизиқ бўлиб қолди, менга жамоа таркиби, унинг савияси ёқди. Буларнинг барчаси музокараларга таъсир кўрсатди.

Менга янги жамоага мослашиш осонроқ бўлишини билардим, чунки дўстларим шу ерда. Мен хато қилмадим. Мослашув жуда яхши ўтди. «ПСЖ»да кўп одамлар испан тилида гапиришади», - деди Месси.