«Ньюкасл» клуби устози Стив Брюс клуб янги эгалар қўлига ўтганидан кейин ўз фикрлари билан ўртоқлашди. У «Тelegraph» нашрига бу ҳақда шундай дейди:

«Мен ўз ишимни давом эттиришни истайман. Янги хўжайинларга ҳам нималарга қодир эканимни кўрсатишни хоҳлайман. Аммо вазиятга реал кўз билан қараш керак. Улар исталган вақтда мени ўрнимга янги мураббий олиб келиб, синовдан ўтказиб кўриши мумкин. Чунки янги бошлиқлар одатда янги менежерни исташади. Мен буни узоқ вақтлик фаолиятим давомида англаб етганман. Қарор менга боғлиқ эмас. Мен тақдиримни нима бўлишини билмайман, лекин ҳаммасини қабул қилишга тайёрман. Мен улар қандай қарорга келишини кутишим керак. Мен футбол ўйнашдан, мураббий бўлишдан анча олдин «Ньюкасл» мухлиси эдим ва шундай бўлиб қолади. Мен бу клубни соврин ютишини ва Европа саҳнида тўп суришини кўришдан фақат хурсанд бўламан».

Халқаро танаффуслардан кейин клуб «Тоттенхэм»га қарши баҳс юритади.