«Барселона» бош мураббийи Рональд Куман жамоанинг марказий чизиғини имкон қадар кучайтиришга ҳаракат қилиб кўради.
Нидерландиялик мутахассис бу борада бир қатор ўйинчилар билан шартнома имзолашни мақсад қилган.
Diario Sport хабарига кўра, «Барселона»нинг қизиқишлари доирасидан «Тоттенхэм» аъзоси Тангуй Ндомбеле, «Интер»дан Марсело Брозович ҳамда «Милан» хавбеки Франк Кессилар жой олган.
Шунингдек, каталонияликлар «Манчестер Юнайтед»дан Донни ван де Бекга ҳам қизиқиш билдирмоқда. Гарчи у бироз бошқачароқ услубда ўйнаса ҳам Куман уни ўз жамоасига мослаштиришга ҳаракат қилиб кўради.
