Кеча дунёдаги азалий дербилардан Истанбул дербиси бўлиб ўтди. “Галатасарой” ўз уйида “Бешиктош”ни қабул қилди.

Ўйин олдидан уюштирилган томоша ҳатто рақиб жамоа аъзоларини ҳам ҳайратга солди. Яъни, аввалига асосий трибуналардан бирида жойлашган мухлислар “Жим-бом боши тик ҳолда юради” деган ёзувни ҳосил қилишди. Кейин эса 3D форматдаги томоша бошланди. Стадионда саноқли дақиқалар ичида Фотиҳ Терим ва унинг шогирдларининг улкан тасвири ҳосил бўлди. Бу томоша бўлаётган пайтда стадионда “Шерюрак” фильмининг мусиқаси янгаради.  

Фотиҳ Терим ўзининг улкан суратини кўриб, жуда ҳаяжонланди. Бу томошани ҳатто “Бешиктош” мураббийи португалиялик Карлос Карвалал ҳам табассум билан томоша қилди. Бу томоша “Галатасарой” футболчиларни руҳлантирди шекилли, улар 92-дақиқада ғалаба тўпини киритишди: 3-2. “Галатасарой” азалий рақиби “Бешиктош”дан 12 очко ўзиб кетди.