Ўзбекистон миллий жамоаси бош мураббийи Сречко Катанец Малайзияга қарши бўлиб ўтган ўртоқлик учрашуви (5:1) борасида ўз фикрини билдириб ўтди.

"Аввало, ушбу ғалаба билан футболчиларни табрикламоқчиман. Иккинчидан, улар рақибга ва учрашувнинг мақомига қарамасдан мазкур ўйинга жиддий ёндошишди. Улар ўйин темпини ҳам яхши ушлаб туришди. Шу боис, кўрсатилган профессионализм учун футболчиларга раҳмат айтаман.

Умуман олганда, бугун жамоа сафатида яхши ўйин кўрсатдик. Янги ўйинчиларни ажратиб кўрсатиш тўғри эмас, улар ҳам ўзларини яхши намойиш этишди. Эҳтимол, мухлисларга учрашув осон ўтгандек кўринган бўлиши мумкин. Аммо учрашув қийин ўтди. Жамоамиз 90 дақиқа давомида тажовузкор ўйин намойиш этди. Майдон марказида тўп учун курашларнинг аксариятида ютиб чиқдик.

Ҳа, бугун битта гол ўтказиб юбордик. Фақатгина ҳимоя чизиғидаги туфайли хато туфайли гол ўткзамадик, балки тайм сўнгига келиб етарлича прессинг уюштирмадик, етарлича агрессив ўйин кўрсатмадик, ўйинчилар тайм якунланди, дегандек ҳаракат қилишди, шу боис гол ўтказиб юбордик. Умуман олганда эса ҳимоядаги ўйиндан, жамоавий ҳаракатлардан кўнглим тўлди", — деди Катанец.