O‘zbekiston milliy jamoasi bosh murabbiyi Srechko Katanets Malayziyaga qarshi bo‘lib o‘tgan o‘rtoqlik uchrashuvi (5:1) borasida o‘z fikrini bildirib o‘tdi.

"Avvalo, ushbu g‘alaba bilan futbolchilarni tabriklamoqchiman. Ikkinchidan, ular raqibga va uchrashuvning maqomiga qaramasdan mazkur o‘yinga jiddiy yondoshishdi. Ular o‘yin tempini ham yaxshi ushlab turishdi. Shu bois, ko‘rsatilgan professionalizm uchun futbolchilarga rahmat aytaman.

Umuman olganda, bugun jamoa safatida yaxshi o‘yin ko‘rsatdik. Yangi o‘yinchilarni ajratib ko‘rsatish to‘g‘ri emas, ular ham o‘zlarini yaxshi namoyish etishdi. Ehtimol, muxlislarga uchrashuv oson o‘tgandek ko‘ringan bo‘lishi mumkin. Ammo uchrashuv qiyin o‘tdi. Jamoamiz 90 daqiqa davomida tajovuzkor o‘yin namoyish etdi. Maydon markazida to‘p uchun kurashlarning aksariyatida yutib chiqdik.

Ha, bugun bitta gol o‘tkazib yubordik. Faqatgina himoya chizig‘idagi tufayli xato tufayli gol o‘tkzamadik, balki taym so‘ngiga kelib yetarlicha pressing uyushtirmadik, yetarlicha agressiv o‘yin ko‘rsatmadik, o‘yinchilar taym yakunlandi, degandek harakat qilishdi, shu bois gol o‘tkazib yubordik. Umuman olganda esa himoyadagi o‘yindan, jamoaviy harakatlardan ko‘nglim to‘ldi", — dedi Katanets.