"Ливерпуль" ярим ҳимоячиси Алекс Окслейд-Чемберлен клубни тарк этиши мумкин, дея хабар берди Англиянинг "The Sun" нашри.
Манбанинг хабарига кўра, 28 ёшли инглиз клубда унга берилаётган ўйин вақтидан норози. Клуб уни қишда сотиб олиш имконияти ижарага бериб юбормоқчи. Футболчига эса собиқ клуби "Арсенал" даъвогарлик қилмоқда.
Эслатиб ўтамиз, Окслейд-Чемберлен жорий мавсум мерсисайдликлар таркибида 5та ўйинда майдонга тушиб, жами 182 дақиқа ҳаракат қилди ва 1 голли узатмани амалга оширди. Transfermarkt портали футболчининг қийматини 18 миллион еврога баҳолаган.
