"Манчестер Юнайтед" жамоа сардори Харри Магуайр билан шартномани узайтирмоқчи, бу ҳақида Англиянинг "The Sun" нашри маълум қилди.
Манбанинг хабарига кўра, инглиз клуби футболчи билан янги 5 йиллик шартнома борасида музокара олиб бормоқда. Шунингдек, шартномада "Қизил иблислар" раҳбарияти ҳимоячининг маошини ҳафтасига 220 минг евродан 350 минг еврогача ошириши кўзда тутилган.
Эслатиб ўтамиз, футболчи "Манчестер" сафида 2019 йилнинг ёзидан буён ҳаракат қилади. Жорий мавсумда у жамоа сафида 6та ўйин ўтказди.
