Defensa Central нашрининг хабар беришича, «Реал» раҳбарияти «ПСЖ»нинг 26 ёшли ҳимоячиси Преснель Кимпембени сотиб олиш вариантини кўриб чиқмоқда.
Тажрибали ҳимоячининг парижликлар билан амалдаги шартномаси 2024 йилнинг июнига қадар тузилган. Трансфермаркт футболчини 40 миллион еврога баҳоламоқда.
Шунингдек, «қаймоқранглилар» Лондоннинг «Челси» клуби ҳимоячиси Рюдигерга ҳам эътибор қаратган.
Эслатиб ўтамиз, ёзда «Реал»ни ҳимоянинг иккита асосий футболчиси Серхио Рамос ва Рафаэль Варан жамоадан кетди. Энди «Қироллик клуби» ҳимояда янги футболчиларни топиш устида ишламоқда.
