Бельгия ва «Реал» ҳужумкор яримҳимоячиси Эден Азар Англия Премьер лигасига қайтиши мумкин. El Nacional нашри хабарига кўра, футболчининг трансферига Лондоннинг «Челси» клуби қизиқиш билдирмоқда. «Аристократлар»нинг хўжайини Роман Абрамович Эденни «Стемфорд Бриж»га қайтаришга тайёр.
Аммо, Трансфер нархи муаммо бўлиши мумкин. Мадриддаги фаолиятининг муваффақиятсиз даври туфайли Азарнинг нархи анча пасайиб кетди, ҳозир 40 миллион еврога баҳоланмоқда. Бу миқдор «қироллик клуби» президенти Флорентино Пересга мос эмас, у икки йил олдин бельгиялик учун 100 миллион еврога яқин пул тўлаган.
Эденнинг Мадрид гранди билан амалдаги шартномаси 2024 йилнинг ёзигача ҳисобланган.