Англия футбол ассоциацияси айни вақтда миллий терма жамоа учун бош мураббий қидириш билан банд бўлмоқда. Айни вақтла ушбу лавозимга асосий номзод сифатида "Барселона" клуби бош мураббийи Хосеп Гвардиола кўрсатиляпти. Бу ҳақда Англиянинг The Sun нашри хабар тарқатди.
Албатта инглиз нашри "Тоттенхэм" клуби бош мураббийи Харри Реднаппни ҳам эслаб ўтишни унутмаган. Бу мутахассис Англия терма жамоаси бош мураббийлиги учун Гвардиоланинг энг асосий рақобатчиси сифатида кўрсатилмоқда.
Таъкидлаб ўтиш жоиз, агарда Англия футбол ассоциацияси Ҳарри Реднаппни терма жамоа бош мураббийи лавозимига таклиф этадиган бўлса, "Тоттенхэм" клубига беш миллион фунт стерлинг миқдорида товон пули тўлашига тўғри келади. Хосеп Гвардиола эса "Барселона" билан янги шартнома имзоламаётгани туфайли текинга Англия терма жамоаси бошқарувига келиши мумкин.