Фарғонанинг “Само” спорт мажмуасида футзал бўйича мамлакат чемпионати олий лига ўйинлари давом этмоқда.

“Локомотив” учинчи ўйинини ҳам ғалаба билан  тугатди. “Темирйўлчилар” “Нефтчи” жамоасини мағлуб этган ҳолда тўққиз очко билан турнир жадвалини бошқариб боряпти.

Аввалги икки учрашувда мағлуб бўлган “Бунёдкор” бу гал “Насаф” устидан устунликка эришди.

Чемпионликни бош мақсад қилган “Ҳуахин” ўтган турда мағлубиятга учраганди, бу турда эса кучли АГМКни енга олди. Бунга сабаб қилиб жамоанинг моҳир ўйинчиси Даврон Чориевнинг таркибга келиб қўшилганини кўрсатиш мумкин. Даврон бир кун олдин бахт оқшомини нишонлаганди ва айнан ўша куни унинг жамоадошлари очко йўқотишди. Бундан хулоса чиқарган тажрибали футзалчи  - бир кунлик куёвбола чимилдиқни тарк этиб, Фарғонага етиб келди ва ғалабага ҳиссасини қўшди.

Футзал. Олий лига

Фарғона. “Само” с.м.

1-тур. Учинчи кун. 11 октябрь, душанба

НАСАФ – БУНЁДКОР – 2:3 (0:2)

Голлар: Санжарбек Элмаматов (23), Шоҳруҳ Неъматов (40) –  Муҳаммадбобур Раҳмонбердиев (1), Мирзоҳид Ҳайдархўжаев (17, 22)

Огоҳлантириш: Йўқ -  Хуршид Нажимов (23).

ЛОКОМОТИВ – НЕФТЧИ – 4:3 (3:3)

Голлар: Акбар Усмонов (4, 16), Максим Гуляев (14), Машраб Одилов (33) –  Диёр Каримов (7, 20), Илҳомжон Абдуғаниев (8)

Огоҳлантиришлар: Амир Саъдуллаев (35) – Рашиджон Жабборов (33), Дилмурод Юсуфжонов (36).

АГМК – ҲУАХИН – 2:4 (0:2)

Голлар: Шаҳзоджон Саъдиев (8-ўз дарв.), Музаффар Аҳаджонов (32), Суннатулла Жўраев (37) –  Илҳомжон Ҳамроев (14), Ҳусниддин Нишонов (21), Дилшод Раҳматов (38).

Огоҳлантиришлар: Даврон Валижонов (7), Давлат Ибрагимов (22), Артур Юнусов (29) – йўқ.