"Арсенал" клуби ҳимоячиси Эктор Бельерин ўзининг "Бетис"даги ижара муддати тугагач, Лондонга қайтмаслигига ишора қилди. У бу ҳақда шундай дейди:
"Агар мен кейинги йили бу ерда бўлишни истамаганимда, ҳозир бу ерга келмаган бўлардим. Қарор қилиниши керак бўлган нарсалар кўп ва мен бу ерда эканимдан бахтиёрман. Менга Испания ёқади. Келажакда эса, нима бўлиши керак бўлса, содир бўлади".
26 ёшли Бельериннинг "Арсенал" билан амалдаги шартномаси бу мавсум сўнгида якунланади. Шу сабаб клуб уни январь ойида сотиши ёки ёзда текинга қўйиб юбориши керак бўлади.
