«Рома» бош мураббийи Жозе Моуриньо шу ҳафта охирида биринчи жиддий синовдан ўтади - «бўрилар» «Ювентус»га қарши майдонга тушади.
Римликлар яримҳимоячиси Жордан Верету бўлажак учрашувга нисбатан ижобий муносабатда. Унинг фикрича, мураббий туфайли футболчилар маънавий жиҳатдан кучли тайёргарликка эга бўлишмоқда. Верету жамоага рақиб номи босим ўтказмаслиги керак деб ўйлайди.
«Моуриньо «Рома» менталитетини ўзгартирди, у бизда доимо ғалаба қозониш истагини уйғотган. Машғулотларда биз унинг талабларини қондириш учун кучлироқ ишлаяпмиз»,- дейди Верету.
