"Манчестер Сити" тез орада ярим ҳимоячиси Фил Фоден билан янги шартнома имзолаганини эълон қилади.

Томонлар октябрь ойидаги ФИФА кунларидан олдин янги шартнома борасида келишиб олишган.

Янги шартнома 2026/2027 йилги мавсум охиригача тузилади ва унда Фоден дунёнинг энг кўп маош оладиган ёш футболчиларидан бирига айланади.

Фил охирги марта "шаҳарликлар" билан 2018 йил охирида шартномани узайтирган эди. Футболчи амалдаги шартномаси 2024 йил июнь ойининг охиригача ҳам амал қилади.

Эслатиб ўтиш керак, 21 ёшли ярим ҳимоячи "Манчестер Сити" таркибида ҳозиргача 130 ўйин ўтказишга муваффақ бўлди. Футболчи ҳисобида 33 гол ва 24 та голли узатма бор.