Мадриднинг «Атлетико» клуби ҳужумчиси Радамель Фалькао Испания Чемпионатининг 25 турида «Барселона»га қарши кечган учрашувни бошқарган ҳакам Мигель Анхель Перес Ласанинг ҳаракатларидан ҳануз норози.
Пойтахт клуби 1:2 ҳисобида мағлуб этилган ўйиннинг 89-дақиқасида кўк-анорранглилар яримҳимоячиси Серихо Бускетснинг ўз жарима майдони ичида тўпни қўли билан ўйнагани учун ҳакам каталонияликлар дарвозасига пенальти белгиланмаганини кўпчилик тилга олиб ўтмоқда.
«Ўйлашимча, ўша вазиятда Бускетснинг тўпни қўли билан ўйнаганини кўролмай қолган ягона инсон ҳакам Перес Ласа эди. Лекин, у ҳақиқатан ҳам кўрмай қолган бўлиши мумкинку?» — дея гумонларини савол билан тугатди колумбиялик футболчи.
