"МЮ" футболчиси клуб ва терма жамоадаги ҳамроҳи Криштиану Роналду рекордлари ҳақида фикр билдирди. "Mirror" нашри унинг сўзларидан иқтибос келтиради:
"Бу оддий ҳолга айланди. У рекордларни янгилашни яхши кўради. У бир гал менга ажойиб гап айтганди. У рекордлар ортидан қувмаслигини, аксинча, рекордлар унинг ортидан юришини билдирган. Бу гапдан кейин кулганмиз. Кейин бу гап ҳақиқатлиги ҳақида ўйлай бошлаганман. Чунки унинг гол уриш қобилияти шунчаки ажойиб. У керакли вақтда керакли жойда бўла олади".
Эслатиб ўтамиз, келаётган ҳафта якунида улар ўз жамоаси билан "Лестер"га қарши саф тортишади.
