Англия футбол ассоциация расмий сайтида мухлислар ўртасида ўтказилган сўровнома натижаларига кўра, Лондоннинг «Тоттенҳэм» клуби ярим ҳимоячиси Скотт Паркер Англияда «йил футболчиси» дея тан олинди, дея хабар бермоқда ассоциация расмий сайти.
31 ёшли футболчи сўровномада 17 фоиз овоз (сўровда жами 15 минг мухлис иштирок этган) тўплашга муваффақ бўлган. Иккинчи ўринда «Манчестер Сити» дарвозабони Жо Ҳарт, учинчи ўринни эса «Манчестер Юнайтед» клуби ярим ҳимоячиси Эшли Янг эгаллаган.
«Бу мен учун катта шараф. Бу совринни олган футболчилар рўйхатига эътибор беринг. Бу катта натижа. Мухлислар баҳоси – менга қўшимча рағбат бағишлайди. Инкор этмайман, бу йил мен учун яхши йил бўлди», – дейди Паркер.