"Про лига ғолиблиги учун ўтган Нефтчи — Динамо ўйини хурсанд қилди.

Биринчидан, ҳар икки клуб Суперлига йўлланмасини қўлга киритган бўлса ҳам, охиригача курашди, ҳеч ким ўйинни ташлаб юбормади. Темп жиҳатдан кеча Суперлига ўйинига гувоҳ бўлдик.

Иккинчидан, мезбонлар учрашувга яхши тайёргарлик кўрган. Биз бугунга келиб Про лига ғолиби бўлиш завқини ҳам ошира олдик. Катта-катта вилоятлар буни катта байрам ва қувонч билан қарши олиши ёқимли.

Учинчидан, Про лига клублари ғурур учун ўйнашни бошлагани яхши. Динамо ҳам фақат Суперлига билан чекланмади, балки Про лига ғолиблиги учун борини берди — бу прогрессдан далолат.

Тўртинчидан, Суперлига йўлланмаси билан икки катта вилоят ҳокимлари бевосита табрик йўллади. Самарқанд вилояти ҳокими ўз жамоасини фейсбук орқали қутлади, Фарғона вилояти ҳокими ўз жамоаси билан байрамни нишонлади.

P.S. Айнан Нефтчи ва Динамо клублари ОФК лицензиялаш талабларини бажариш арафасида турибди. Унутмаслик керакки, тарихда қуйи лига клублари бундай лицензиянинг яқинига ҳам кела олмаган. Биз бу йил планкани бироз кўтаришга яқин турибмиз", - деди Имомхўжаев телеграм саҳифасида.