Лондоннинг «Тоттенхэм» клуби бош мураббийи Нуну Санту ҳужумчи Харри Кейн ҳақида фикр билдирди.
Хабарингиз бор, Харри Англия Премьер-лигасининг олтита ўйинида умуман гол ура олмади. «Бу нормал ҳолат. Кейн, албатта, ажойиб шаклга кира олади.
Бу борада мен хотиржамман. Кейн гол уришдан кўра кўпроқ хусусиятларга эга. У жамоага кўп нарсани беради ва жуда қимматли ўйинчи. Голлар бўйича унда муаммо бўлмайди», - дейди португалиялик мутахассис.
Маълумот учун, 17 октябрь куни «Тоттенхэм» Премьер-лигада Стив Брюснинг «Ньюкасл» клуби билан ўйнайди.