Кеча Британия матбуоти «Манчестер Юнайтед» бош мураббийи Оле-Гуннар Сульшернинг матбуот анжуманини, хусусан, Криштиану Роналдунинг жисмоний тайёргарлиги ҳақидаги саволларга берган жавобларини муҳокама қилганди.

Эслатиб ўтамиз, норвегиялик мутахассис португалияликни ҳар бир ўйинда майдонга туширмоқчи эканлигини айтганди.

Бироқ, мураббий Криштианунинг ёшига ишора қилиб, дам олмасдан бундай ритмни сақлаб қолиш қанчалик қийин бўлишини таъкидлаган.

Daily Mail хабарига кўра, бу сўзлардан сўнг Роналду Сульшер билан шахсан учрашган. Манба берган хабарга кўра, суҳбат давомида форвард агар мураббий уни жамоага фойдали деб топса, у барчасига тайёр экани ва ҳафтасига икки марта ҳам ўйнаш учун тайёр эканлигига ишонтирган.

Эслатиб ўтамиз, «МЮ» бугун «Лестер» майдонига сафар қилади.