«Лацио» бош мураббийи Маурицио Сарри «Интер» устидан қозонилган ғалабадан сўнг (3:1) ўз жамоасининг иккинчи голи ҳақида фикр билдирди.
«Ҳеч қандай тортишув бўлиши мумкин эмас. Димарко ерда ётган вазиятда, «Интер» ҳатто дарвозага зарба берди. Агар кимдир тўпни майдондан чиқариб юборишу керак бўлса, бу ишни уларнинг ўзлари қилиши керак эди.
Бундай шикоятларни фақат Италияда эшитиш мумкин. Европада, Чемпионлар лигасида бундай бўлмайди. Фақат Италияда», - деди Сарри ДАЗН телеканалига берган интервьюсида.