«Лилль» бош мураббийи Жослен Гурвеннекнинг фикрича, «Реал» ҳужумчиси Карим Бензема бу йил «Олтин тўп»ни олишга энг ҳақли ўйинчи.

«Карим - ажойиб футболчи ва у жуда узоқ вақтдан бери бир хил формада ҳаракат қилмоқда. Унинг Миллатлар Лигасидаги чиқиши «Олтин тўп» учун етади.

У қандай ҳаракат қилишни билади ва ҳар доим тўғри қарорларни танлайди. Бенземанинг ўйинини кузатиш - ёшлар учун катта тажриба.

Чунки у прессингда яхши ишлайди, охиригача югуради ва тўпга яхши очилади, тўғри жой танлашни билади. Агар у бу йил у совринни қўлга киритса, мен бундан жуда хурсанд бўламан», - дейди Гурвеннек.

Эслатиб ўтамиз, «Олтин тўп» топшириш маросими 29 ноябрь куни Парижда бўлиб ўтади.