Германиянинг энг обрўли сайтларидан бирининг маълум қилишича, "Кёльн" ҳамда Германия терма жамоаси ҳужумчиси Лукас Подолськи ёзда Лондоннинг "Арсенал" клуби сафига ўтишга розилик билдирган.
Германиялик ҳужумчининг "Кёльн" билан амалдаги шартномаси 2013 йилда якунига етишига қарамай, уни сотиб олиш учун Европанинг кўпгина жамоалари тайёр туришибди.
Подолськининг ўзи эса "Арсенал" вариантида тўхтаган. Энди ҳар иккала жамоа расмийлари футболчининг трансфер нархини ва муддатидан олдин шартномани бекор қилингани учун тўланиши керак бўлган товон пули миқдорини келишиб олишса бас.
Агар музокаралар муваффақиятли якунланса, Подольски ёзда "Арсенал" футболчисига айланиши мумкин.
