Мураббий футболчини ҳали ҳам жамоанинг муҳим ўйинчиси сифатида кўради.
"Манчестер Сити" бош мураббийи Пеп Гвардиола клубнинг португалиялик ярим ҳимоячиси Бернардо Силва ҳақида гапирди.
"Бернарду Силва - биз учун муҳим ўйинчи. У 4 ёки 5 хил позицияда ўйнай олади. Мен Бернардудан ҳохласам қанот ҳимоячиси, ҳужумчи, марказий ярим ҳимоячи ёки ҳимоячи сифатида фойдаланишим мумкин. Биламан, бу мавсумда унинг ўйинида пасайиш бўлмоқда, юқори даражани доимо ушлаб туриш мумкин эмас. Аммо мен уни янада яхши бўлишга ундайман", - деди испаниялик мутахассис.
Эслатиб ўтамиз, бу мавсум 27 ёшли футболчи АПЛнинг 7 ўйинида майдонга тушиб, 2 гол уришга эришган.
