"Арсенал" клуби собиқ мураббийи Арсен Венгер Жаҳон футбол ташкилотларига учрашув ҳакамлари ҳам худди мураббийлардек ўйин олдидан интервью беришини таклиф қилди. У бу ҳақда шундай дейди:
"Биз ҳамма каби ҳакамларни ҳам қўллаб-қувватлашимиз керак эди. Мен айтаётган йўл орқали омма орасида ўйин бошқаруви билан боғлиқ баҳслар камаяди. Жамоатчиликда ҳам ҳакамларга бўлган ишонч янада ошади".
Аввалроқ Венгер "Менинг ҳаётим қизил ва оқ рангларда" номли китобини намойиш этгани ҳақида хабарлар тарқалган эди.
