Собиқ "Барселона" президенти Сандро Роселл Неймар трансфери сабаб беш йилгача озодликдан маҳрум этилиши мумкин. Хабарларга кўра, Роселл 2013 йилда Неймар трансфери борасида Бразилиянинг "Сантос" клуби билан келишувга эришган.

Унда футболчи нархи 57,1 миллион евро бўлиши кўзда тутилган эди. Неймарнинг асл нархи эса 86,2 миллион еврони ташкил қилган. Бунда 40 миллион евродан ортиқ маблағлар Неймарнинг отаси эгалик қиладиган компанияга ўтказиб берилган. Бу иши учун собиқ президентга беш йилгача қамоқ жазоси белгиланиши айтилган.

Сандро Роселл 2010 йилнинг июль ойидан 2014 йилнинг январьига қадар "Барса" раҳбари лавозимида ишлаган. Неймар иши якунлангач эса, истеъфога чиққан.