"Барселона" бош мураббийи Рональд Куман Чемпионлар лигасида "Динамо Киев"ни мағлуб этганидан сўнг (1:0) каталонияликлар кўпроқ гол уришлари кераклигини таъкидлади. Шунингдек, у жамоани олдинда "Реал" билан ўйин борлигини, бунга ғалаба билан етиб бориш муҳимлигини қўшимча қилди.

"Бу натижа Чемпионлар лигасидан умидимизни сақлаб қолишимизга имкон берди. Ушбу ғалаба туфайли ҳали ҳам барчасидан умид қилсак бўлади. Ўйин давомида биз интригани аввалроқ ўлдиришимиз ва ишни охирига қолдирмаслигимиз керак эди. Энди “эл-класико”га эътиборимизни қаратамиз. Бундай ўйинга ғалаба билан етиб бориш ҳар доим куч беради.

Бундай ўйинлар 3:0 ёки 4:0 билан якунланиши керак. Аммо, жамоанинг асосий ҳужумчилари сафда бўлмаганда, вазиятларни 100 фоиз голга айлантиришни талаб қилиш мумкин эмас", - деди Куман УЕФА матбуот хизматига.