"Ювентус" ҳимоячиси Леонардо Бонуччи Чемпионлар лигаси доирасида "Зенит"га (1:0) қарши ўйиндан сўнг, Криштиану Роналдунинг кетиши жамоанинг ўйинига қандай таъсир қилгани ҳақида гапирди.

"Бу қийин учрашув эди. “Зенит” ўйин давомида тўпни йўқотиши биланоқ, барча бўш зоналарни тезкорлик билан ёпишга урунди.
Аммо, биз жамоамиз билан бу ғалабага ҳақли эдик. Жамоадошларим билан сабр-тоқатли бўлиш қобилиятини қайта кашф қилдик ва бу энг муҳим нарса.

Кўриниб турибди, биз ҳозир кўпроқ жамоавий футбол кўрсатаяпмиз. Сўнгги йилларда биз бу қобилиятни йўқотган эдик. Буюк чемпион Роналду билан ёнма-ён ўйнаб, у биз учун ҳамма нарсани ҳал қила олади деб ўйлардик. Иложи борича унга ёрдам беришга ҳаракат қилганмиз.

Аммо, бу мавсумда биз ғалаба қозониш учун зарур бўлган сабр-тоқатни қайтадан кашф қилмоқдамиз", - деди футболчи.