"Yuventus" himoyachisi Leonardo Bonuchchi Chempionlar ligasi doirasida "Zenit"ga (1:0) qarshi o‘yindan so‘ng, Krishtianu Ronalduning ketishi jamoaning o‘yiniga qanday ta’sir qilgani haqida gapirdi.
"Bu qiyin uchrashuv edi. “Zenit” o‘yin davomida to‘pni yo‘qotishi bilanoq, barcha bo‘sh zonalarni tezkorlik bilan yopishga urundi.
Ammo, biz jamoamiz bilan bu g‘alabaga haqli edik. Jamoadoshlarim bilan sabr-toqatli bo‘lish qobiliyatini qayta kashf qildik va bu eng muhim narsa.
Ko‘rinib turibdi, biz hozir ko‘proq jamoaviy futbol ko‘rsatayapmiz. So‘nggi yillarda biz bu qobiliyatni yo‘qotgan edik. Buyuk chempion Ronaldu bilan yonma-yon o‘ynab, u biz uchun hamma narsani hal qila oladi deb o‘ylardik. Iloji boricha unga yordam berishga harakat qilganmiz.
Ammo, bu mavsumda biz g‘alaba qozonish uchun zarur bo‘lgan sabr-toqatni qaytadan kashf qilmoqdamiz", - dedi futbolchi.
