"Насаф"нинг муваффақиятли юриши натижасида Ўзбекистон ОФК коэффициентлар жадвалида ўз ҳисобига муҳим очколарни қўшиб қўйди.
Мавсум бошида "Пахтакор" ва АГМКнинг Осиё чемпионлар лигаси гуруҳ босқичидаги иштироки орқали тўплаган очколарни қўшиб ҳисоблаганда, Ўзбекистон Ғарб минтақасида 2021 йилда энг кўп очко жамғарган иккинчи мамлакат бўлди — 22.180 (энг кўп балл Саудия Арабистонида — 25.590). Натижада мамлакатимиз Ғарб мамлакатлари рейтингида 4-ўринга кўтарилиб олди ва бу натижани сақлаб қолади. Бу эса бизга 2023 ва 2024 йилларда ОЧЛ учун "2+2" кўринишидаги квоталарни таъминлайди. Яъни Ўзбекистон чемпиони ва Ўзбекистон кубоги соҳиби тўғридан-тўғри гуруҳ босқичида иштирок этса, яна 2 клубимиз саралаш босқичида иштирок этади.
Афсуски, рейтингни ҳисоблашда 2020 йилги натижалар инобатга олинмади (ОФК кубоги мусобақаси ўтказилмагани сабабли). Акс ҳолда Ўзбекистон ОФК рейтингининг Ғарб минтақасида 2-ўринга кўтарилган ва "3+1" квотасига эга бўлган бўларди.
Эслатиб ўтамиз, Ўзбекистон 2022 йилда "1+1+1" кўринишида ўринларга эга бўлиб, "Пахтакор" ОЧЛнинг гуруҳ босқичида иштирок этиш ҳуқуқини ҳал қилиб бўлди. Қолган йўлланмалар эса қайси жамоага насиб этиши ҳақида аввалроқ хабар бериб ўтгандик.
ОФК рейтинги. Ғарб минтақаси жадвали
