Todofichajes нашрининг сўзларига кўра, «Ливерпуль» ва Муҳаммад Салоҳ ўртасидаги музокаралар тўхтаб қолган ва «ПСЖ» бу вазиятдан фойдаланмоқчи.
Гап шундаки, мисрлик мерсисайдликлардан ҳафтасига 500 минг евро маош талаб қилмоқда, буни «қизиллар» тўлай олмайди.
«ПСЖ» Салаҳнинг шартномаси 2023 йилнинг ёзида тугашини ва ўйинчини текинга қўлдан чиқармаслик учун, катта эҳтимол билан 2022 йилнинг июнида сотувга қўйилишини тушунади. «ПСЖ» вазиятдан фойдаланмоқчи, клуб Муҳаммад фаолиятини «Реал Мадрид»да давом эттирмоқчи бўлган Килиан Мбаппенинг ўрнига ажойиб номзод деб билади.
Муҳаммад Салоҳ 100 миллион еврога баҳоланган, аммо «Ливерпуль» унинг учун 120 миллион евро сўраши тахмин қилинган.