«Челси» Чемпионлар лигаси гуруҳ босқичининг 3-тур учрашувида «Мальмё» устидан йирик ҳисобда ғалаба қозонди (4:0).

Баҳс пайтида Лондон клуби ҳужумчилари Ромелу Лукаку ва Тимо Вернер жароҳат олишди, шу сабабли улар биринчи бўлимда майдонни тарк этишга мажбур бўлди.

Учрашувдан сўнг «кўк-анорранглилар» бош мураббийи Томас Тухель футболчиларнинг жароҳатлари ҳақида гапирди.

«Лукакунинг тўпиғи чиқиб кетган, Вернернинг эса сон мушакларида муаммо бор. Бу иккиси яхши формада, вазиятлар яратиб, гол ура оладилар, шунинг учун биз янги ечимларни топишимиз ва уни кутиб турган йигитларга имконият беришимиз керак бўлади», - дея Тухелнинг сўзларини келтиради BBC.