Ўзбекистон чемпионати 23-тур доирасидан ўрин олган  “Қўқон-1912”  - “Локомотив”  учрашуви  23 октябрь куни Қўқон шаҳрида бўлиб ўтади. Мазкур баҳс олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.

Ўзаро ўйинлар
Ушбу жамоалар шу пайтга қадар чемпионат доирасида 13 марта тўқнаш келишган.
“Локомотив” ўйинларнинг 6 тасида зафар қучган, 5 та баҳсда дуранг қайд этилган. Иккита учрашувда қўқонликларнинг қўли баланд келган.
Тўплар нисбати – 22-12, “Локо” фойдасига. Ўзаро ўйинларда “Темирйўлчилар” 23 очкони қўлга киритишган. “Қўқон-1912” очкоси 11 тани ташкил этади.

Жамоаларнинг сўнгги олтита учрашувида қайд этилган натижалар:
20.06. 2021. Локомотив – Қўқон-1912 - 0:1
25.11.2020. Қўқон-1912 – Локомотив - 0:1
21.08.2020. Локомотив – Қўқон-1912 - 1:2
20.09.2019. Қўқон-1912 – Локомотив - 1:1
02.05.2019. Локомотив – Қўқон-1912 - 2:2
09.07.2018. Қўқон-1912 – Локомотив - 1:2
07.04.2018. Локомотив – Қўқон-1912 - 1:1

Қўқондаги “Марказий” стадионида бўлиб ўтадиган “Қўқон-1912” – “Локомотив” баҳсини Зокир Қодиров бошчилигидаги ҳакамлар гуруҳи бошқариб боришади. Навоийлик ҳакам жорий мавсумда қўқонликлар иштирокидаги иккита ўйинни бошқариб борган. Эътиборлиси ҳар иккала ўйин ҳам Яйпандаги “Ўзбекистон” стадионида бўлиб ўтган ва ҳар икки ўйинда ҳам бир хил, 2-1 ҳисоби қайд этилган. Зокир Қодиров бошқарган суперлиганинг 1-тур учрашувида "Қўқон-1912"  “Турон” жамоасини 2-1 ҳисобида енгган бўлса, “Насаф”га қарши 11-тур ўйинида худди шундай ҳисобда имкониятни бой берган.

Coca-Cola Суперлига.
23-тур
23 октябрь

ҚЎҚОН-1912 – ЛОКОМОТИВ
Ҳакамлар: Зокиржон Қодиров, Ҳусниддин Шодмонов, Тимур Галеев, Хушнуд Суюнбоев
Назоратчи: Равиль Шаяхмитов
Комиссар: Сардор Қудратуллаев

Бошланиш вақти: "Қўқон-1912" - “Локомотив” - учрашуви, 23 октябрь куни Қўқон шаҳридаги “Марказий” стадионида соат 15:15 да старт олади.