Мураббий ўз футболчисини қўйиб юбормоқчи эмас.

Англиянинг "Ливерпуль" жамоаси ҳамон ўзининг мисрлик юлдузи Мухаммад Салоҳ билан келишувни узайтириш устида ишламоқда. Энди раҳбарият бу ишга жамоа мураббийи Юрген Клоппни ҳам аралаштирган. Хабарларга кўра, мутахассис футболчининг жамоа билан келишувни узайтириши учун босим уюштирмоқда, Салоҳ германиялик мураббийни ҳурмат қилиши туфайли шартларга рози бўлиши кутилмоқда, бу ҳақида Англиянинг "Football Insider" нашри хабар берди.

Эслатиб ўтамиз, аввалроқ футболчининг агенти "Ливерпуль" раҳбарияти билан кўришиш учун шаҳарга келгани ҳақида маълумотлар чиққан эди.