«Манчестер Юнайтед» ҳужумчиси Криштиану Роналду инглиз клубидаги ўрни ҳақида гапирди.
«Менимча, ҳозир »Манчестер Юнайтед«да муҳим ўзгаришлар рўй бермоқда. Клуб мени, Варанни ва Санчони сотиб олди. Биз ҳали мослашмаганмиз, АПЛга кўникиш учун вақт керак. Мен жамоани биринчи ўринга қўйдим. Ҳар ким ўз ролини билиши керак.
Мен жамоадаги ролимни биламан. Менинг вазифам гол уриш, тажриба ва билимим билан жамоага ёрдам бериш. Агар ҳамма шундай деб ўйласа, жамоа учун ўзини қурбон қилади, менимча, биз дунёнинг энг яхши жамоасига айланамиз», - Роналду Sky Sports нашрига.
Жорий мавсумда португалиялик футболчи АПЛда 5 та ўйин ўтказиб, 3 та гол уришга эришди. 8 турдан сўнг жамоа 14 очко билан турнир жадвалида 6-ўринни эгаллаб турибди.
