"Манчестер Юнайтед" ҳужумчиси Криштиану Роналду Чемпионлар лигаси гуруҳ босқичи 3-туридан ўрин олган "Аталанта"га қарши ўйиннинг танаффусида нутқ сўзлаган.
"Сизлар уялмайсизларми? "Манчестер Юнайтед" ўз мухлислари олдида бундай ўйнай олмайди. Бу учрашувда ғалаба қозонишимиз шарт, акс ҳолда, Чемпионлар лигаси плей-офф босқичига чиқа олмаймиз", - деган футболчи. Бу ҳақида "The Sun" нашри клубдаги манбасига таянган ҳолда хабар берди.
Эслатиб ўтамиз, учрашувда дастлаб Италия клуби 2:0 ҳисобида олдинда бораётган эди. Иккинчи бўлимда Сульшер шогирдлари кетма-кет 3 бор дарвозани ишғол қилиб, ғалабани илиб кетишди. Роналду ҳал қилувчи гол муаллифи бўлди.
