"Manchester Yunayted" hujumchisi Krishtianu Ronaldu Chempionlar ligasi guruh bosqichi 3-turidan o‘rin olgan "Atalanta"ga qarshi o‘yinning tanaffusida nutq so‘zlagan.
"Sizlar uyalmaysizlarmi? "Manchester Yunayted" o‘z muxlislari oldida bunday o‘ynay olmaydi. Bu uchrashuvda g‘alaba qozonishimiz shart, aks holda, Chempionlar ligasi pley-off bosqichiga chiqa olmaymiz", - degan futbolchi. Bu haqida "The Sun" nashri klubdagi manbasiga tayangan holda xabar berdi.
Eslatib o‘tamiz, uchrashuvda dastlab Italiya klubi 2:0 hisobida oldinda borayotgan edi. Ikkinchi bo‘limda Sulsher shogirdlari ketma-ket 3 bor darvozani ishg‘ol qilib, g‘alabani ilib ketishdi. Ronaldu hal qiluvchi gol muallifi bo‘ldi.
