"Тоттенҳэм" ярим ҳимоячиси Гарет Бэйл терма жамоаси билан Коста-Рикага қарши ўртоқлик ўйинига тайёргарлик кўраётган пайтда жароҳат олганлиги ҳақида хабарлар тарқалганди. Футболчи машғулот пайтида шериги билан тўқнашиб кетган ва тиззасидан жароҳат олган, дея хабар тарқатди "Тоттенҳэм" клубининг расмий сайти.
Кеча Уэльс терма жамоаси Гари Спид ҳотирасига бағишланган ўртоқлик учрашувида майдонга тушганидан хабарингиз бор. Гарет Бэйл ушбу учрашувда иштирок эта олмаган.
Англия матуботининг хабар беришича, футболчининг жароҳатидан қутилиши учун 10 кундан 20 кунгача вақт кетар экан. Агар ушбу маълумотлар тасдиқланса, Бэйл 4-март куни бўлиб ўтиши кутилаётган, Англия премьер-лигасининг марказий учрашувини ўтказиб юборишига тўғри келади. Шу куни "Тоттенҳэм" ўз майдонида "Манчестер Юнайтед"ни қабул қилади.
