Германиянинг "Шальке 04" клуби жамоа ҳужумчиси Раулга янги шартнома таклиф қилган. Клуб расмий сайтида тарқатилган маълумотларга қараганда, жамоа 34 ёшли ҳужумчини Гельзенкирхенда яна камида икки йилга олиб қолиш ниятида.
Эслатиб ўтамиз, афсонавий ҳужумчининг шартномаси шу мавсум якунида тугаши керак. Аммо, "Шальке" уни яна чўздириш учун ҳозироқ Раул билан музокаралар столига ўтиришга тайёр. Клуб рахбарияти электрон почта орқали футболчига аллақачон янги шартнома нусхасини юборган.
"Биз шу ой ичида Раул билан шартномани узайтиришни мақсад қилганмиз. Афсуски, айни дамда менинг ҳам, футболчининг ҳам вақти тиғиз бўлгани учун учраша олмаяпмиз. Шунинг учун ҳам биз замонавий алоқа воситасдан фойдаланишга қарор қилдик. Унинг агенти билан эса яқин кунлар ичида учрашишга келишиб олдик",- дейди "Шальке 04" бош менежери Хорст Хельдт.
