"Наполи"нинг уругвайлик ҳужумчиси Эдинсон Кавани ўзи ҳақидаги миш-мишларга чек қўйди. Футболчининг айтишича, унинг ўзи Англия ёки Испания чемпионатига ўтишга шошилмаётган экан.

Сўнгги пайтда Италия матбуоти Каванининг ёзда жамоани тарк этишини ва Испания ёки Англия чемпионтларидан бирига ўтишини таҳмин қилаётганди.

"Мен "Наполи" тарк этиб бирор бир топ-клубга ўтиш ниятим ҳали йўқ. Умумуан мен пул учун ўйнамайман. Неапольда яшаш қийин бўлиши мумкин, аммо бу ерда мен ўзимни эркин хис эта оламан. Қолаверса, бу ердаги мухлислар ҳам ажойиб".

"Мени Мессига ўхшатишларини истамайман. Месси буюк футболчи, аммо менинг кумирим - Батистута. Мен ҳар доим унинг ўйинларига ҳавас билан қараганман. Менинг соч турмакларимдан буни билиб олсангиз бўлади. Кўпчиликнинг айтишича ўйиним уникига ўхшаб кетади. Ўйлашимча ҳатти-ҳаракатларимиз ҳам бир хил. Шунинг учун бўлса керак, у менга ҳатто Энцо Франческоли (Уругвайнинг барча замонлардаги энг яхши футболчиси)дан ҳам кўпроқ ёқади.", - дейди уругвайли футболчи Gazeta Sporturilor нашрига берган интервьюси чоғида.