Куни кеча "Навбаҳор" Тошкент йиғинини якунлаб, ортга қайтиб келди. Бу ҳақда клуб расмий сайти хабар тарқатмоқда.

Тошкентда ўтган икки қисмли йиғинда бир нечта назорат учрашувлари ташкил этилиб, таркибдаги футболчилар яна бир бор кўздан кечирилди. Яъни, сараги-саракка, пучаги-пучакка чиқди.

Ҳозирда футболчиларга қисқа муддатли таътил берилган. Жамоа 3 март кунидан бошлаб, ўз қароргоҳида мавсумга тайёргарликнинг сўнгги қисмини олиб боради.

Шу куни "Андижон" билан назорат учрашуви ўтказилиши лозим эди. Аммо, биздаги маълумотларга қараганда ушбу ўйин бекор қилинибди.

Шуни ҳам қайд этиш лозимки, 3 март куни "Навбаҳор" фан-клубининг таъсис йиғилиши куннинг дастлабки қисмида бўлиб ўтади.

Таркибдаги ўзгаришлар хусусида тўхталадиган бўлсак, бир неча кун машғулотларда қатнашган Анвар Раҳимовга жавоб берилди. Ҳозирда Раҳимов "Андижон" билан келишувга эришиб бўлган. Куни кеча жамоа ПФЛ га дастлабки "заявка"ни топширди.