Испания чемпионатининг 9-туридан ўрин олган «Барселона» ва «Реал» жамоалари ўртасидаги учрашувнинг биринчи бўлими якунига етди.
Дастлабки 45 дақиқаликдан сўнг мадридликлар 1:0 ҳисобида олдинда боришмоқда. Анчелотти жамоаси баҳснинг 32-дақиқасида қарши ҳужум уюштиришди ва ҳисобни очишди. Родриго Гоэснинг узатмасидан кейин ҳимоячи Давид Алаба рақиб жарима майдонига кирар-кирмас олис бурчак сари аниқ ва кучли зарба берди. Тер Штеген эса тўпга ташланди, аммо уни қайтара олмади.
Австриялик футболчи "Реал"га ўтганидан кейин илк "эл-класико"да иштирок этмоқда ва "Мадрид" сафидаги ўзининг илк голини уришга муваффақ бўлди.