Олдиндан тахмин қилингандек, «Реал» Ла Лигада «Барселона»га қарши асосий тўқнашувда ғалаба қозонди. Жамоа мураббийи Карло Анчелотти ўз футболчиларининг ўйинлари ҳақида фикр билдирди.

«Биз кучли жамоа эканлигимизни исботладик. Рақиб устидан назорат қилдик қилдик ва керакли натижага эришдик. Ўйлайманки, биз ҳимояда яхши ўйнадик, ўз вақтида қарши ҳужумга ўтдик. Албатта, хурсандман, лекин афсуски, «эл-класико»да ғалаба учун атиги уч очко берилган»,-деди италиялик мутахассис ўйиндан кейинги матбуот анжуманида.

Қайд этиш жоизки, ғалаба эвазига «Реал» яна чемпионат жадвалида биринчи ўринга қайтди.